Wasaarado ka Tirsan Dowlada Somaliya Oo korontadii Laga Jartay | Afrikada

Wasaarado ka Tirsan Dowlada Somaliya Oo korontadii Laga Jartay

Afrikada, Muqdisho: Xildhibaan ka tirsan baarlamaanka Soomaaliya ayaa sheegay in xarumaha ilaa 7 Wasaaradadood oo ka tirsan xukuumadda federaalka Soomaaliya ayaa laga jartay korontadii ay ku shaqeynayeen.

Wararku waxaa ay sheegayaan wasaaradahan muddo dhowr bilood ah aysan bixin lacagihii lagu lahaa, taasoo keentay in markii danbe laga jarto korontadii ay ku shaqeynayeen, waxaana Wasaarradahan kala yihiin “

1-Beeraha

2- Ganacsiga

3-Xanaanada xoolaha

4- Patroolka

5-Wasaaradada hawlaha guud iyo dibu-dhiska

6- Wasaradda gaadiidka

7- Boostada iyo isgaarsiinta.

Ilo xog-ogaal ah ayaa sheegaya in Wasaaradaha laga jartay Korontada heli waayeen lacagihii loogu tala galay adeegyada lagama maarmaanka u ah Wasaaradaha sida biyaha iyo Korontada oo qarash gaar ah wasaarad walba loo siin jiray inay ku dabirto arrimahaas.

Baarlamaanka Soomaaliya ayaa maalintii shalay ka doodday Miisaaniyadda dowladda oo ay soo gudbisay Wasaarradda Maaliyadda Soomaaliya.

Ma jiro ilaa iyo hadda wax war ah oo ka oo baxay Wasiirrada iska joogi jirey wasaaradahan la sheegay in laga jartay Korontada.

Dowladda Xasan Cali Kheyre ayaa macaluul siyaasadeedi heysataa kadib markii isaga iyo madaxweynuhu noqdeen mataano wada dhashay oo aan xisaabi dhex oolin, tani oo dalka ku kalliftay in wax isla xisaabtama la waayo, macaluusha siyaasadeedna waxa ay ka soo bilaabatay gobollada dalka oo dowladdu gaari weysay balse xaaladdu ay gaartay ilaa ay iyadii dhexdeeda is gaari weyso, lacagihii balaayiinta ahaana Farmaajo iyo Kheyre cidina ma weydiin halka ay geeyeen, waxaase la isweydiinayaa, ma guryo adduun bey ku dhisteen, mise cid kalaa canshuur iyo baad ka qaadata dowladda federaalka?

Wasaaradahani ayaa iyagu ahaa kuwo “Aan howl ay qabtaanba heynin, xilli wax waliba ay noqdeen, xabad Tareeso ah iyo maxaad iga qaadi kartaa” doorkooduna waxa uu ahaa… dowlad jirtaaba aniguna waan jiri, ee isii lacagta?”

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




DEG DEG: Qarax ka dhacay Muqdisho
- May 14, 2019
Afrikada, Muqdisho: Qarax ayaa ka dhacay degmooyin ka tirsan gobolkan Banaadir waxaana la sheegay ...
Askari Uganda u dhashay oo dilay taliyihiisii kadibna isagii is-dilay
- May 13, 2019
Afrikada, Muqdisho: Mid ka mid ah ciidammada wadanka Ugaandha ee ku sugan magaalada ...
DAAWO: Prof. Cabdi Ismaaciil Samatar Oo Fashil weyn ku tilmaamay Shirkii Garoowe
- May 13, 2019
Afrikada, Muqdisho: Xilli ay afka qabsadeen mucaaradka badanaa dhaliila dowladda federaalka ayaa hadana ...
Axmed Madoobe oo ka huleelay shirkii Garoowe
- May 11, 2019
Afrikada, Muqdisho: Madaxweynaha ismaamulka Jubaland ayaa ka huleelay shirkii magaalada Garoowe uga socday ...
PRESS RLS: Axmed Ducaale Xaaf oo isaga baxay shirka Garoowe
- May 11, 2019
Afrikada, Muqdisho: War-saxaafadeed ka soo baxay ismaamulka Galmudug ayaa looga hadlay kulan in ...
!-- Google Tag Manager (noscript) -->