Dalka Austria Oo Laga Mamnuucay Barashada Luuqada Turkiga | Afrikada

Dalka Austria Oo Laga Mamnuucay Barashada Luuqada Turkiga

Afrikada, Muqdisho:   Wasaaradda gaadiidka ee dalka Austria aya soo rogtay amar mamnuucaya in luuqadda Turkida ay ka sii mid ahaato luuqadaha dadka baranaya darawalnimada looga qaado imtixaanka.

Inkastoo tira yar oo ka mid ah dadka baranaya darawalnimada ee dalkaasi ay door bidaan luuqadda Turkida, haddana waxaa la sheegayaa in luuqaddaasi tahay luuqadda labaad ee dalkaasi looga hadlo.

Wasiirka gaadiidka Austria, Norbert Hofer, oo ka tirsan xisbiga midigta fog ee Freedom Party ayaa sheegay in tallaabadaasi looga golleeyahay in lagu yareeyo kharashka dowladda uga baxaya tababarrada.

“Luuqad kastaa oo tababarka lagu bixinayo waxaa dowladda uga baxaya kharash badan oo aan loo qiil dayi karin,” ayuu yiri wasiirka.

Balse waxa uu intaasi ku daray in tallaabadaasi sidoo kale looga golleeyahay in dadka lagu dhiirigeliyo in ay bartaan luuqadda Jarmalka.

“Caadiyan waa arrin la xiriirta yaraynta kharashka balse sidoo kale waxaa muhiim ah in la kala caddeeyo luuqadaha ay tahay in dadku imtixaanka ay ku galaan,” ayuu yiri wasiirku mar uu la hadlayay idaacad ku taal dalkaasi.

Wasiirka gaadiidka ee Austria ayaa sheegay in hadda wixii ka dambeeya dadka baranaya darawalnimada ay imtixaanka ku gali doonaan luuqadaha Ingiriiska, Koreshiyaanka iyo tan isloofeeniya looga hadlo.

Xisbiga uu wasiirkani ka tirsan yahay ee midigta fog oo ah mid aad uga soo horjeeda dadka soogalootiga ah ayaa jagooyin muhiim ah ka haya dowladda wadaagga ah ee dalkaasi Austria.

Isbadalkan lagu samaayay luuqadaha ay dadku ku galayaan imtixaanaadka ayaa ku soo beegmayo xilli uu sii xumaanayo xiriirka u dhaxeeya Turkiga iyo Austria.

Hoggaamiyaha Austria, Sebastian Kurz, ayaa doonaya in Midowga Yurub uu ka isaga baxo waddahadallada Turkiga ee ka mid noqoshada reer Yurub, go’aankaasi oo ka careysiiyay madaxweyne Rajeb Tayyeb Erdogan.

Caradaasi ayaa sababtay in bishii May ee sanadkii 2017 uu Turkiga oo xubin muhiim ah ka ah gaashaanbuurta Nato uu diidmada qayaxan kala horyimaado iskaashiga Nato kala dhaxeeyo Austria.

Xigasho

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




DAAWO: Ciidanka XDS oo cabsi darteed awoodooda milleteri ku soo bandhigaya masrax qol dhexdiis!
- Apr 13, 2019
Afrikada, Muqdisho: Xilli aysan jirin meel kale ama aysan fagaaraha ku soo bandhigi ...
DAAWO: Xuska Sanadguurada Ciidammada XDS oo ka soconeysa Muqdisho
- Apr 11, 2019
Ciidanka Xoogga Dalka Soomaaliyeed, waxaa la Aasaasay 12-kii April 1960-kii oo hadda ka soo ...
Kheyre oo la kulmay John Bolton. SAWIR
- Apr 11, 2019
Afrikada, Muqdisho: R/W Xasan Cali Kheyre ayaa kulan la qaatay la taliyaha amniga dalka ...
VIDEO: Afgembi ka dhacay dalka Suudaan & Saraakiil la xiray
- Apr 11, 2019
Afrikada, Khartoum: Kadib gadood maalmo badan soconayey ayaa waxaa la sheegayaa in maanta milleteriga ...
Banaanbaxayaasha Suudaan oo codsaday in la dhiso dowlad ku meel-gaar ah
- Apr 9, 2019
Afrikada, Muqdisho: Banaanbaxayaasha wadanka Suudaan ayaa Isniintii ka codsaday ciidamada wadankaasi in ay soo ...
!-- Google Tag Manager (noscript) -->