Shacabka Muqdisho Oo dareemaya In aysan iyagu laheyn “Dhulka ay u Dhasheen” Maxaa ka maqan Reer Muqdisho Oo ay u Degi la’yihiin??? | Afrikada

Shacabka Muqdisho Oo dareemaya In aysan iyagu laheyn “Dhulka ay u Dhasheen” Maxaa ka maqan Reer Muqdisho Oo ay u Degi la’yihiin???

Afrikada, Muqdisho: Dadka reer Muqdisho oo lagu tilmaamo in ay yihiin “madaxii wadanka” ayaa wajahaya marxalad jahawareer iyo deganaanshiyo la’aan ah.

Waxa ay ku dhaqmayaan haddii laga sheekeeyo wadnaha ayaa naxdin darteed ku go’aya.

Reer Muqdisho maanta waa dad aysan maskaxdooda fadhin, laga gardaran yahay dushoodana ay ku dagaalamayaan xoogag aan danta Xamar wadin balse ismooda in ay wax weyn qabanayaan.

Dadku ma shaqeysanayaan, waa niyadjabsan yihiin, beledkani isaga ayaa iska nuuraya oo nolol maalmeedka soo dhacsogiisa unbaa weli sidaas u nuurinaya, ileyn waa caasimade.

Muqdisho dadkeeda “Maxaa iga galay?” ayaa halheys u ah mana kala jecla haddii reer hebel hoobiye lagu dhufanayo, iyo haddii oday dhaqameedkii la gowracayo oo uu banaankaas cidlada ah ku rafanayo?

Waa meel “Occupied Territory” ah oo awoodo kala nooc nooc ah ay xoog ku maamulayaan si ay danahooda uga fushadaan, awoodahaas waxaa ka mid ah AMISOM, federaal, Al-Shabaab, hey’ado gargaar, suuqley iyo safaarado, sarrifle iyo soortiisa ilaashade, iyo gegi ilaashade iyo dekad kala soo dege.

READ MORE:  DHAGEYSO TAARIIKHDA Sheekh Cabdi Weli Cilmi yare iyo BBC-da Oo SU'AALO la daba kacday "Sheekhow Maxaad U Tiri SOON iyo SALAAD la iguma laha...?

Dhamnaantood sharci xalliya ma jiro, nin walba dantiisa ayuu wataa.

Maxaa keenay in Muqdisho kalsoonidii ka dhunto? War ma weysan dadweynuhu damiir laheyn? war sidee ugu adkeysteen in ay daawadaan hoobiye guryahooda lagu ag rakibayo oo dad lagu leynayo? Isqarxin, isqarribid 30 sano soo socday…War maxaa Muqdisho ay tabeysaa oo ka maqan? Intee laga heystaa! Yaa sixray dadkaan? Mise waa Qataaran yihiin oo musmaar ayaa geed loogu muday? Muqdisho maankii gadaye Ma masaar beey liqday?

War yaa Muqdisho maray oo miyirkeedii daboolay?

Su’aalahan iyo kuwo kale oo balaayiin ka badan waxa ay ka dhexguuxayaan maskaxda qof kasta oo Soomaali ah? Jawaabtuse aad ayey u fududahay! oo maqaam laay Muqdisho iskuma tashaneyso ilaa dadkeedu aayaheeda raadiyaan!! Dadkeeda Qof walba ma noqon karo, meel waliba Maamul ayey leedahay kaasi oo soo celin kara hadduu dareemo in meeshu meeshiisii tahay? Hasaba nin ka yimid Dubai ma dareemi karaa taas? Maya, mid ka yimid Ankara ? Maya waxaa Muqdisho kalsoonideeda soo celin kara marka maqaam sal balaran inta loo yeelo ay dowladda dhexe edeb ka yeelato oo ay madaxtooyadeeda ku ekaato Ismaamulkana la gaarsiiyo heerka gobollada kaleba isugu tashadeen, biyaheeda iyo korontadeeda, isgaarsiinteeda iyo suuqyadeeda qashinka xaaqato, dhisato wadooyinkeeda isla markaasina gurato canshuurteeda. Maanta hal nin ayaa gobolkii Banaadir noqday mana jiro isbasiini iskiis intuu hurdada uga soo kaco xaaqaya wadada?

READ MORE:  Askar Dhar Cad Ah Oo Loo Diyaarinayo Kor Kala Socoshada Ciidanka Dowladda “Akhriso”

Ma jiro nin reer Muqdisho ah oo kalsooni ku qaba xaafadii uu ku dhashay waxaana korkiisa ku dagaalamaya labo nin oo uusan garaneynin, iga tagana uusan dhihi karin.

Muqdisho waxa maanta ka qiimo badan Kismaayo, Baydhabo iyo Jowhar sababtoo ah mid waliba ismaamul ayey leedahay.

War yaa ku dhegan Muqdisho, maxaa suuro gal ah si aynu u sameyno wax waliba oo Muqdisho isku arki karto? Oo ay dadkeedu ku faani karaan?

Meelna uga soo wada jeesan karaan nidaam wanaagsan iyo shaqooyin loo helo dhammaan dhallinyarada gobolka oo dhan? Maxaa Muqdisho maseyrka ka bi’in kara?

HALKA HOOSE KA DAAWO:

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->