Maxay Cirbixiyeenku ku sheegeen Dhagaxa NIBIRU Ee Soo Burburiyey Xidigga Mars+khatarta Uu soo wado Maxay Tahay? | Afrikada

Maxay Cirbixiyeenku ku sheegeen Dhagaxa NIBIRU Ee Soo Burburiyey Xidigga Mars+khatarta Uu soo wado Maxay Tahay?

Cirbixiyeenkii Seerbiyaanka ahaa ee ka nixiyey cirbixiyeennada kale ee reer Galbeedka ayaa hadalkiisa dad badani ku raad joogaan.

Waxaa la arkay calaamado muujinaya in astronomer Milorad B. Protić wixii uu ka sheegay dhulka ay tartiib tartiib u soo muuqanayaan wax yar kadib markii NASA oo ah wakaaladda cirbixiyeenka Mareykanku ay aqoonsan weyday taladii ninkaasu soo jeediyay ee uu wax badan ka qoray in adduunyada aynu ku noolnahay uu ku soo leexan karo Dhagax weyne la yiraahdo NIBIRU.

Haatan ayaa cilmu darseyaasha dhulalka fog fog wax ka qora waxa ay ka cabanayaan dhagaxa ama planet-ka lagu magacaabo NIBIRU, haddiise ay cabashadoodu run noqoto ayaa waxaa isbedelaya dhismaha dunida iyadoo aynan bani’aadamku awood ulaheyn in ay iska celiyaan.

Sawiro laga qaaday Mars Oo ay sheegayaan Saynisyahannadu in waayo hore lagu noolaan jirey..

Waxa ay culumadu sheegayaan in dhagaxani yahay burburiye hore u soo burburiyay dhulal kale isagoo hadba intuu qadkiisa ka baxo ku dhaca kana soo booda dhulalka kale sida MARS oo kale.

NASA waxa ay ku adkeysaneysaa Nibiru aanu jirin. Laakiin dadka aaminsan jiritaanja Nibiru waxa ay ku qeylo dhaaminayaan in NASA ay wax badan qarineyso si dadweynuhu aaney nolosha uga quusanin loona sameeyo aadmiga meelo xajmi adag oo ay uga gabadaan musiibadan dabiiciga ah.

READ MORE:  Nin Oday Sheekh ah Oo lagu dilay duleedka Muqdisho

Waraaqo laga helay xusuus qorka u qaaska ahaa saynisyahanka xidigiska ee Protić waxa ay sheeyayaan in dhulka Mars uu ahaan jirey meel ay ku yaaleen bado waaweyn, harooyin iyo webiyo qarniyo ka hor.

Waxa uu sheegay in ay aheyd saameyntii xooganeyd ee dhagax dhuleedka Nibiru midda Maars ka dhigtay dhul gubtay oo qalalan.

Saynisyahan Protić xataa waxa uu cayinay in cuqubada ku habsatay dhulkaas ay soo wajahi karto dhulkan aynu ku dul nool nahay, marka ay tani dhacdana dhulku balaanbali karo lana kulmi karo burbur soo wajaha dhulkani weli nimcada hadda heysta ee nooleyaasha kala nooca ah ku dhaqanyihiin.

Xusuus qorkiisa waxaa sidoo kale ku jira in Nibiru yahay dhagax kafee ah oo dhib badan isagoo soo sameeyay gaafwareeg iyo daandaansi uu dhulalka kale soo dulmeero si ka baxsan qadka (orbit) ee nidaamka anshaxa leh ee meere waliba iskii ugu socdo, Nibiru waxa uu heystaa xiddigo kale oo isagu gano waana 3,600 jir cuti ah.

Xitaa inkastoo caalinkani dhanka xiddigisku uu sanado badan noloshiisa ku dhameystay dersitaanka dhaqdhaqaaqa xiddigga Nibiru hadana weli ma uusan ka sheegin goobaha shacabka ee uu ka qudbeeyn jirey.

Waxa uu sheegay in markii ugu dambeysay ee meeraha Nibiru soo agmaro dhulkan ay aheyd 1580 ka hor dhalashadii nebi Ciise kolkaas oo meeraha Nibiru ka soo baxay mugdiga isaga oo soo wajahay habka isgaafwareegga dayaxa, qorraxda, venus, jupiter, Mars, iyo kuwa kale ee qorraxda ku gaafwareega. (Solar system).

READ MORE:  Baaderi sheegaya in uu Cirka U duuli doono Oo la yaab ku dhaliyey dadkii, Qosol iyo muran ka dhex dhaliyey Baraha Bulshada

Cirbixiyeenkani ayaa ku doodaya in Mars ay nolol ka jirtey samaan hore waxa noloshaasi la burburtayna ay tahay saameyn uu ku yeeshay meeraha NIBIRU.


Saynisyahankani ayaa geeriyooday bishii Oktoobar 29, 200-dii isagoo kolkaaascahaa agaasimaha ahaa Belgrade observatory, waxaana uu baaritaano ku sameyn jirey dhagxaanta iyo dhulalka yar yar.

Cilmi baareyaal kale ayaa isku raacay in saadaasha laga sheegay warbaahinta caalamka oo dhan waxaana meerayaasha khatarta ah ee uu ka mid yahay NIBIRU uu dhulka u soo muuqan doonaa sanadkan aynu ku jirno inta u dhaxeysa bilaha June iyo December 2018.

Culimada diinta Kirishtanka waxa ay ku doodayaan marka NIBIRU soo dhowaado in uu dunida badi doono xasillooni darro socon doonta 7 sano oo isku xigta waxaana dhici kara sanadahaas in ay kor ujacaan tirada fatahaadaha waaweyn ee Suunaamiga, Voolkaaooyinka Buuraleyda iyo dhul-gariirro.

Intaa kadib, dad badan oo diimo kala duwan heysta ayaa bilaabay in ay sheegaan in Dayax Madoobaadka dhici doona bishan Luulyo 27keeda tilmaan u yahay khatar. Dhammaad ah
oo dunidu wajahi karto.

Waxa sidoo kale ay baareyaashu odorasayaan in Dayaxa Guduudan ee 27-ka madoobaanaya uu noqon karo baalkii ugu dambeeyay ee nolosha aadmiga.

READ MORE:  Banaanbax Looga soo horjeedo Axmed Madoobe Oo ka dhacay gobolka Gedo

Culimadan oo u badan baareyaal ayaa saadaalinaya musiibooyinka Nibiru ay markii ugu dambeysay ee wax laga qoray ay aheyd sanadii 1976 kolkaasi oo qoraagii Zecharia Sitchin uu sheegay in 2 qowmiyadood oo ku noolaan jirtey dhulka Barriga Dhexe lana kala oran jirey Babylonians iyo Sumerians – ay ka sheekeyn jireen in uu jiro dhagax weyn oo xidig ahi kaasi oo hal mar ku meereeysta qorraxda 3,600 oo sanoba mar.

Saynisyahanka xidigiska ee isbd-bedellada hawada sare wax ka yaqaan Nancy Lieder waxa ay ka digtay in Nibiru hertin doono dunida.

Hadalkan sida isdaba-joogga ah u soo yeeray ayaa ka qosliyey bulshada sayniska wax ka barata.

Laakiin waxa ay tixgeliyeen falsafadda qiyaaseed ee xiddigisyahankan oo iyadu wax ka dhigta machadka California Institute of Technology, iyadoo machadkuna ku dhawaaqay in ay hayaan cadeymo muujinaya xaqiiqada in dhul aad u weyn oo kale uu jiro kaasi oo ku wareegaaleysta ‘Wareegga Qoraxda ee Solar Systemka, dhulka NIBIRU ayey sheegeen in uu 10 meelood ka weyn yahay dhulka aynu ku nool nahay.

Waaxda cirbixiyeenka NASA waa ay diiday dhammaan cilimi baaristani iyaga oo ku tilmaamay in aysan sidaasi wax u jirin oo ay NASA iyadu aaminsan tahay siyaabo kale.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (1)

  1. abdi qani says:

    godka madaw ama black hoolku xaqiiqo jirta miyaa




Xulka Itoobiya Oo 4-0 ku dhuftay xulka Qaranka Soomaaliya
- Nov 14, 2018
Afrikada, Muqdisho: Xulka Ethipia ayaa 4-0 uga badiyay xulka Soomaaliya ee 23-jirada tartanka is ...
Dalka Eritrea oo maanta cunaqabateynta hubka laga qaadayo iyo Soomaaliya oo sanad siyaado ah loogu darayo
- Nov 14, 2018
Afrikada, Muqdisho: Waxaa saacadaha soo socda la filayaa in xubnaha Golaha Ammaanka ee Qaramada ...
UN Monitoring Group: “Dowladda Soomaaliya ma xakameyn karto hubkeeda, suuqyada ayaa lagu iibiyaa” WARBIXIN SANADEED.
- Nov 14, 2018
Afrikada, Muqdisho: Warbixin dheer oo ay soo saareen Kooxda Qaramada Midoobey la socodka Cunaqabateynta ...
DHAGEYSO: Wasaarado Beeniyay in koronto laga goostay+Horta Isweydii Dowladdu ma bixisaa adeeg Koronto, Annagaa is deberna iwm?
- Nov 13, 2018
Afrikada, Muqdisho: Iyadoo laga jawaabayo koronto la'aan maanta laga soo weriyey wasaarado badan ...
DHAGEYSO Xildhibaan Cosoble: “M/weyne Farmaajo lacagtii dalka waa uu aruursaday, meel uu u wadana la garan maayo?
- Nov 13, 2018
Afrikada, Muqdisho: Wararka inaga soo gaaraya baarlamaanka federaalka ayaa sheegaya in uu qeylo dhaamiyey ...
%d bloggers like this:
!-- Google Tag Manager (noscript) -->