Dowlada Shiinaha Oo Soomaaliya ka Taageeri doonta La Dagaalanka Argagaxisada | Afrikada

Dowlada Shiinaha Oo Soomaaliya ka Taageeri doonta La Dagaalanka Argagaxisada

Afrikada, Beijing: Wararka inaga soo gaaraya caasimadda Beijing ee dalka Shiinaha ayaa sheegaya in halkaasi uu ka soconayo kulanka Afrika iyo Shiinaha.

Kulanka ayaa waxaa ka qeybgalaya wasiirada arrimaha dibadda ee dalalka Afrika iyadoo ay goobjoog ka tahay wasaaradda arrimaha dibadda ee xukuumadda Shiinuhu.

Kulankan heer wasiir ayaa ah mid saameyn weyn ku leh wadammada Afrikaanka. Wasiirka arrimaha dibadda dalka Shiinaha Mr. Wang Yi ayaa kulamo gooni gooni ah la qaatay wasiirada arrimaha dibadda ee dalalka dalal Islaam ah waxaana dalalkaasi ka mid ah wadammada Yemen, Soomaaliya, Tuniisiya, iyo wadanka Liibiya.

Wasiiradan ayaa dalka Shiinaha uga qeyb galay shirka Sideedaad ee Madasha Iskaashiga Shiinaha iyo Carabta ee lagu qabtay aqalka Shacabka ee caasimadda Beijing ee Dalka Shiinaha.

Kulanka dhexmaray Wasiiradaha Arrimaha Dibadda Shiinaha iyo Soomaaliya ayaa waxa ay uga hadleen xoojinta xiriirka labada dal, arrimaha ammaanka, ganacsiga iyo qodobo kale.

Wasiirka Arrimaha Dibadda Soomaaliya Amb. Axmed Ciise Cawad ayaa Wasiir Wang Yi u sharaxay Horumarka Soomaaliya ka socda, isagoo u sheegay in isbedelo guul ah laga sameeyay dhinacyada dhaqaalaha, amniga iyo siyaasadda.

READ MORE:  Madaxweyne Uhuru Oo Waraaqaha Aqoonsiga ka Gudoomay Danjiraha cusub ee Soomaaliya u fadhin doona Kenya (M. Nuur Tarzan)

Wasiirka arrimaha dibadda ee Shiinaha ayaa ugu dambeyn balan qaaday in xukuumaddiisu in ay xoojin doonto xiriirka ka dhaxeeya labada dal ee Soomaaliya iyo Shiinaha, isaga oo sidoo kale sheegay in dowladda Soomaaliya ay ka taageeri doonaan la dagaalanka Argagixisada. Waa markii ugu horeysay ee Shiinuhu soo hadal qaado la dagaalanka dhanka argagixisada ee dalka Soomaaliya.

Amb. Axmed Ciise Cawad ayaa shirkii uu ka qeyb galay oo uu khudbad ka jeediyay ka sheegay in Soomaaliya ay ku taalo Goob muhiim u ah isku xirka Ganacsiga Aduunka, wuxuuna xusay in Xiriir Taariikhi ah uu kala dhaxeeyo Shiinaha oo Iskaashi dhinacyo badan uu dhexmaray.

Wadammadan ayaa waxaa ka jira dhibaatooyin siyaasadeed waxaana danjire Cawad uu ka hadlay mashaakilka siyaasadeed iyo horumarka ay dowladdiisu ka gaartay dhinacyo badan.

Shiinaha ayaa hore uga mid ahaa dalalkii Soomaaliya u balanqaaday dhismaha garoonka ciyaaraha caalamiga ah ee Stadium Muqdisho, iyo dayactirka Tiyaater-kii Qaranka, balse weli howshaasi lama dhameystirin.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->