DEG DEG: 14 Sarkaal Oo loo Xiray Qaraxyadii Muqdisho | Afrikada

DEG DEG: 14 Sarkaal Oo loo Xiray Qaraxyadii Muqdisho

Afrikada, Muqdisho: Ilo xog ah oo soo xiganaya saraakiil ammaanka qaabilsan ayaa u sheegay warbaahinta maxaliga ah Ee magaalada Muqdisho in ilaa 14 sarkaal loo xiray weerarkii qaraxa ku bilowday ee Shabaab ay ku qaadeen Sabtidii xarunta Otto Otto oo ay degan yihiin Wasaaradaha arrimaha gudaha iyo amniga, halkaasi oo ay ku naf waayeen dad ku dhaw 15 qof.

Saraakiishan oo isugu jira Boolis iyo Nabad Sugid ayaa xarigooda wuxuu ka dambeeyay kadib markii shalay gelinkii dambe ay kulan deg deg ah Guddiga amniga ku yeesheen Muqdisho, kaasi oo uu shir guddoominayay Wasiirka amniga.

Amarka lagu xiray Saraakiishan oo Taliyeyaal ka ahaa Baraha Kontorool ee ku teetsan wadada Maka Al-mukarama ayaa waxaa la sheegay inay bixiyeen Madaxda Qaranka gaar ahaan Wasiirka amniga Soomaaliya Maxamed Abuukar Islow (Ducaalle).

Xubnahan oo hada ku xiran mid ka mid ah xarumaha baarista ee ciidanka dowladda ayaa waxaa lagu tuhunsan yahay qaarkood inay wax ka ogaayeen weerarkan, waxaana su’aalo laga weydiinayaa qaabka uu weerarka u dhacay iyo sababta ka dambeysay in gaariga qarxay iyo ragga hubeysan ay soo dhaafaan baraha kontorool.

READ MORE:  DHAGEYSO: Axmed Madoobe Oo fariin U Soo Diray dowladda dhexe yirina: “Anigu Ma ihi sida Shariifka Oo kale Waad I Baran Doontaan, Nin nin ka Adkaan karo ma jiro”

Inta badan ma dhacdo marka ay wax dhacaan in masuul shaqadiisa gudan waaya uu is casilo ama xilalkooda ay waayaan saraakiil ciidan, balse keliya waxaa la maqlaa baaris ay socota, cidii ka dambeysay talaabo ayaa laga qaadaa iyo ereyo kale oo Lagu maaweeliyo shacabka.

Dowladda Soomaaliya gaar ahaan Hay’adaheeda ammaanka ayaa lagu dhaliilay inay waji gabax ku tahay in iyada oo wadooyinka ay xiran yihiin shacabkana loo diiday inay maraan meelaha qaar, hadana Shabaab hubeysan ay weeraraan xarumo dowladeed oo si aad ah loo ilaaliyo, waliba ay in muddo ah ka dagaalamaan.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->