Xildhibaan C/laahi Maxamed Nuur: “Eng. Yariisow Waxaa Uu Gobolka Ka Wado Ma Ahan Bilic Soo Celin Ee Waa Baab’in Bulsho” | Afrikada

Xildhibaan C/laahi Maxamed Nuur: “Eng. Yariisow Waxaa Uu Gobolka Ka Wado Ma Ahan Bilic Soo Celin Ee Waa Baab’in Bulsho”

Afrikada, Muqdisho: Xildhibaan Cabdullaahi Maxamed Nuur oo ah Guddoomiyaha Xildhibaannada la magac baxay kudlada horusocod ayaa dhaliilay Wareegtadii guddoomiyaha Gobolka Banaadir Maanta ka soo baxday ee uu ku baabi’iyey heshiiskii lagula wareegay darjiinada iyo Beeraha ku yaalla Muqdisho.

Xildhibaanka ayaa Qoraal uu Baraha Bulshada soo dhigay,waxa uu ku sheegay in wax laga xumaado ay tahay in guddoomiye Yariisow uu shaaciyo in laga laabto dhul markii hore lasiiyey dad Shacab ah,isla markaana Shacabka Muqdisho aan lagu maamuli Karin in hantidooda lagu boobo sifo aan sharci aheyn sida uu hadalka u dhigay.

“Waxaa kale oo runtii wax aad looga xumaada ah waxa kasoo yeeray Gud. Yariisow ee ahaa in uu kala noqoday dhul ku yaala Magaalada muqdisho dad shacab ah oo hore loo siiyay waxaana u sheegayaa gudoomiyaha gobalka in aan marna shacabka Soomaaliyeed lagu maamuli karin hantidoodana lagu baabi’in karin sifooyinka nuucaan ah oo sharci darada ah.

Sidoo kale waxa uu sheegay in ammarkii Maanta ka soo baxay guddoomiyaha Gobolka Banaadir uu la mid yahay in muqdisho aysan ka socon wax la yiraahdo bilic soo celin balse ay ka socoto sidii loo baabi’in lahaa dadka Shacabka ah.

READ MORE:  Dowlada federaalka Oo joojineysa Deeqaha Beesha Caalamka Ee la gaarsiin jirey Somaliland.

“Gobalka Banaadir waxa ka socda ma ahan bilic soo celin ee waa baab’in bulsho iyo mid dhaqaale mana ahan wax la aqbali karo, waxaana si dhow ula socday habdhaqanka dowlada dhexe iyo kan maamulka Gobalka banaadir ee uu hormuudka ka yahay Abdirahman Omar Osman (Eng Yariisow) ee ku aadan bulshada Gobalka Banaadir waxayna muujinayaan ficiladani fashilka hogaanka dalka oo gadaal kariixaya cuuryaaminta bulshada Degan Gobalka iyo Guddoonka ay u soo Magacaabeen oo kaliya in ay Danhooda gaarka ah oo kaliya u fuliyaan,

Gaba gabadii waxa uu ugu baaqay guddoomiyaha Gobolka Banaadir ahna duqa Muqdisho in uu maamulkiisu uu ka Shaqeeyo dib u dhiska Gobalka iyo gaarsiinta adeega Arimaha bulshada ee uu ka sugayo shacabka Gobalka Banaadir.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->