AKHRISO:Idaacadda Codka Mareykanka ‘VOA’ iyo Dowladda Soomaaliya Oo isku raacay in Uu geeriyooday Abuu Cubeyda | Afrikada

AKHRISO:Idaacadda Codka Mareykanka ‘VOA’ iyo Dowladda Soomaaliya Oo isku raacay in Uu geeriyooday Abuu Cubeyda

Afrikada, Muqdisho: Warar aanan si rasmi ah loo xaqiijin weli oo ay sii deysay idaacadda Codka Mareykanka ee VOA ayaa sheegaya in hogaamiyihii ururka Al-Shabaab Ahmed Diiriye (Abu Cubeyda) uu Isniinti aanu kasoo gudubnay ku geeriyooday Koofurta Soomaaliya.

Sarkaal sare oo ka tirsan ciidanka sirdoonka Soomaaliya isla markaana ka gaabsaday in magaciisa la shaaciyo, ayaa VOA-da u sheegay in Axmed Diiriye uu u dhintay xanuun dhinaca kilyaha ah.

Sarkaalkaan ayaa sheegay in Abu Cubeyda uu ku geeriyooday meel ka mid ah Koofurta Soomaaliya galabnimadi Isniintii aanu soo dhaafnay taariikhdana ku beegneyd 25-ka bishan June.

Ma jirto war rasmi ah oo xaqiijinaya geerida Axmed Diiriye oo kasoo baxay ururka Al Shabab. Sidoo kale, Dowlada Federaalka Soomaaliya ayaanan wali ka hadlin arrintan.

Axmed Diiriye (Abu Cubeyda) ayaa qabtay xilka hogaamiyaha Al Shabab, bishii December ee sannadki 2014-ki, kadib marki ay Dowlada Mareykanka duqeyn ku dishay hogaamiyihii isaga ka horreeyay Axmed Godane.

Badankoodba waayahan Warfaafinta Soomaaliya ayaa waxaa hogaanka u haya idaacadaha reer Galbeedka sida VOA iyo BBC kuwaasi oo saxafiyiinta Soomaalidu aad u tixgeliyaan, ma jirto idaacad kale oo dhex dhexaad ah oo warkeeda markiiba la qaadan karo oo awoodda kula tartanta idaacadahaasi. Cadeynta warkani ayaa noqonaya mid laga sugi doono in ay aqbalaan kooxaha Al-Shabaab, tani oo markaasi macquul ka dhigi hadalka halka dhinac ee VOA-du sii deysay.

READ MORE:  Arag: Hal Sawir Kun Erey Ka Wax Sheeg Badan!

Mareykanka ayaa madaxa Axmed Diiriye dul dhigay lacag dhan 6 milyan oo dollar, waxaana la sheegayey muddooyinkii dambe in uu cudurka Kansarka qabey oo uu xanuun la ildarnaa.

Kooxaha Al-Shabaab ayaa gaashaanka ku dhuftay geerida laga soo sheegay Abuu Cubeyda, waxaana Al-Shabaab ay ku canaanatay dhinacyada ka soo horjeeda ee ay ka mid yihiin dowladda iyo xulufadeedu ay iclaaminta geerida Sheekh Abu Cubayda ku daboolayaan dekadihii La siiyey Itoobiya.

Hadalka Al-Shabaab soo saartay maanta ayaa lagu yiri: “Sheekh Abu Cubayda wuu noolyahay, wuuna caafimaad qabaa, waqtigii uu Allaah u qoray ayuuna dhiman doonaa, inta ka horeysana wuxuu cadowga Allaah ka hortaagnaan doonaa inay ajandayaashooda gurracan ka hirgeliyaan dhulka Soomaaliyeed ee Muslimka ah” ayuu hadalkiisa sii raaciyay mas’uulkan ka tirsan Al Shabaab.

 

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->