M/Weynihii Hore Ee Soomaaliya Oo Soo bandhigay Talo lagu xalin karo Colaadda TUKARAQ | Afrikada

M/Weynihii Hore Ee Soomaaliya Oo Soo bandhigay Talo lagu xalin karo Colaadda TUKARAQ

Afrikada, Muqdisho: Xilli adag oo Soomaaliya ay ku jirto dhibaatin is deberid la’aan dhaqaale, abaaro, fatahaad iyo dagaallo sokeeye ayaa waxaa mar kale gobollada dhanka Waqooyi ee dalka ka soo cusboonaaday dagaallo beeleedyo aan sidaa u sii macno badneyn.

Ma jirto faragelin iyo awood ay leeyihiin kuwa dowladnimada federaalka ku kala qeybiyay gobollada dalka, mana jirto nidaam ay gobolladaasi u bandhigeen.

Mar kale ayaa dhanka cadowga dibadda iyo gaalada loo weecan karaa haddii beelaha Soomaalidu ay joojin waayaan barakacinta baahsan ee shacabka, sababtoo ah adduunweynaha ayaa ka daalay Soomaalida sii socodkeeda iyo soo socodkeeda waxaana daw noqon karta in Itoobiya la doorbido markale in ay edeb u yeesho kuwa dadweynaha isku diraya ee hogaamiye goboleedyada isku sheega, kuwaasi waxa ay hubeynayaan, lacago siinayaan, isla markaasina hurinayaan colaadaha gobollada ay ka taliyaan, iyadoo maamul gobolleedyada Waqooyiga dalka ay arrintaasi haatan ku mashquulsan yihiin Ethipia ayaa kor uga baaqday, balse waa ay isdhega tirayaan weli, Itoobiya waa khuwadda gobolkan Bariga Afrika ugu tunka weyn, walow cadowtooyo hore noo diidayso in ay noo yimaadaan, haddana shaki kuma jiro in ay xal waara iyo dowladnimo kala dambeyn leh dalka ka abuuri karaan, si la mid ah sida ay u tabantaabiyeen dowladda maanta jirta oo ay Muqdisho ku geeyeen qoriga caaradiisa.

READ MORE:  DHAGEYSO Jubaland Oo ka hadashay DILKII NABADOON Dhaqane Qaasim Amiin loogu geystay Beled-Xaawo?

Xasan Sheekh Maxamuud oo ahaa madaxweynihii hore ee dowladda federaalka ayaa soo jeediyay talooyin cusub oo uu sheegay in ay maanta daw u yihiin kuwa diriraya, waxaana hadalkiisa maanta soo baxay ka mid ahaa:

Duruufaha dadka Soomaalida ay la tacaalayaan waxaa ka mid ah Abaaro, fatahaad iyo colaado, hase yeeshe gundhigga dhibaatooyinka oo dhan waxay ka soo butaacayaan hal il oo ah dowlad xooggan oo ralli laga wada yahay lana wada aqbalsan yahay oo meesha ka maqan.

Si kastaba ha ahaate, dhibaatooyinkaas aan kore ku so xusay iyo kuwa kaleba waxay CAQABAD ku yihiin badbaadada shacabka ay daashadeen colaaduhu kuwa hore iyo kuwa dambaba haddaba hoggaamiyayaasha maanta ee heer kasta leh ha qaateen hana tixgeliyeen mabda’a ah “HA UGA DARIN HADDII AADAN DAWEYN KARIN”

Qormadaan kooban waxaan rabaa inaan uga hadlo arrinta XANUUNKA badan ee ka socota tuulada yar ee TUKARRAQ.

Qormadaan kooban waxaan rabaa inaan uga hadlo arrinta XANUUNKA badan ee ka socota tuulada yar ee TUKARRAQ.

READ MORE:  DAAWO:Dadkii Wax ka Ogaa Dilkii Aamino Xuseen Oo U Hadlay Si Mas'uuliyad Darro ah

In ka badan 30 sano waayo aragnimo ah ayaan u leenahay in khilaafyada lagu xalliyo CUDUB CIIDAN lagumana soo guuleysan mar qura. Haddaba, walaalaha isfaham waagu u dhaxeeyo waxaan ugu baaqayaa qodobada soo socda:

1. Xabbad joojin degdeg ah iney ku dhawaaqaan oo ay NABADDA ku dhiirradaan.
2. In ciidamada ay kala qaadaan si fursad lagu wada hadlo u abuuranto.

3. Ka dibne la billaabo wada hadal dhexdooda ah oo ay hoggaaminayaan dhexdhexaadiyaal iyo fududeeyaal Soomaali ah o oka dhaca TUKARRAQ lafteeda

4. Waxaan si gaar ah farta ugu fiiqayaa isimada, culumaa’uddiinka iyo ganacsatada iney si gaar ah ugu istaagaan arrinka isna doontaan iyagu oo waxaan leeyahay magaciin ha jiro e berri NABADDA YAAN DIBADDA LAGA JIRIN

5. Inta dadaalladu socdaan, dhinacyadu waa iney joojiyaan hadallada XANAFTA leh ee danqinayo boogihii hore laguna baddalo hadallo ka tarjumayo Soomaalinimada.

Waxaan ku soo gabagabeynayaa qormadaan kooban:

“WALAALAYAAL WAXA AAN ISKU NAHAY AYAA AAD UGA BADAN WAXA AAN KALA NAHAY EE CAQLIGU HA TALIYO”.

READ MORE:  DHAGEYSO: Diiwaan-gelinta musharixiinta oo ka bilaabatay magaalad Baydhabo.

— DHAMMAAD —

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (1)

  1. Abdulaziz Hassan says:

    Sideedaba NABADU waa furaha nolosha ee bulsho kasta.
    Waxa su’aala yaa wada ama raba colaad?
    Waa maamulka Majerteniya oo dabada ku haya Dawlada Federalka ah ee Somaliya.

    Ma Jiro mar keliya oo ay Somaliland weerar qaaday haba yaraatee waxa se ay ku jirtaa Difaac mar kasta.




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->