Koofiyad Dagaalyahankii ‘Napeleone Bonabarte’ Uu ku tuuray dagaalkii Waterloo Oo lagu Xaraashay 350 milyan

Koofiyad ciidan oo la rumeysan yahay in uu xirnaa Boqor Napeleon Bonabarte xilligii dagaalkii ‘Waterloo’ ayaa lagu iibiyey 350,000 lacagta Ingiriiska ah maalinimadii Isniintii aynu soo dhaafnay.

Qiimahani la iibiyay koofiyadda ayaa muujiyay sida weli loo xiiseeynayo agabkii iyo macluumaadkii uu ka tegay boqorku.

Waxaa sidoo kale aad loo muujiyay jaceyl loo qabo wax kasta oo boqorkaasi ku saabsan iyo sheekooyinkiisa taariikhda.

Qiimihii ugu dambeeyay ee koofiyadda ‘bicorne’ ayaa ugu dambeyntii lagu kala iibsaday €30,000 ilaa €40,000 koofiyaddani oo lagu magaabey oo ‘bicorne’ ayaa Napeleone waxa uu ka xiran jirey labada dhinac,  hore iyo gadaal waxaana cadowgu ku garan jireen koofiyadaas in waxa dagaalka hogaaminaya uu yahay boqor Napeleone Bonabarte.

Sidoo kale sababta koofiyadda 2da dhinac looga xiray ayaa ah calaamad isaga u gaar aheyd xilliga dagaalada.

Lama shaacin aqoonsiga qofka koofiyadda iibsaday.

Taariikhyannada ayaa aaminsan in koofiyaddani qaaska u aheyd boqorku ay si kedis ah boqorka madaxiisa uga dhacday xilli uu ku mashquulsanaa dagaalkii ba’naa ee ka dhacay degmada Waterloo sanadkii 1815.

Kabtan Hollandeys ah ayaa soo weriyay in ay koofiyaddu ahaan jirtay abaalmarin dagaal oo boqorka la gudoonsiiyey mar uu dagaal ka soo laabtay, waxa kale oo uu sheegay in koofiyada ay jiilal badan u aheyd jaa’zad la isgudoonsin jirey, oo ay boqoradii waagaas jirey ay u tartami jireen in ay helaan, tani qoyskiisu u heleen dhaxal ahaan.

Intaa kadib, waxaa dhammaadkii qarnigii 20-aad iibsadey ganacsade Faransiis ah.

“Waa uun koofiyad caadi ah, dhanka dareenka marka aad u barbardhigto koofiyadihii uu lahaa boqorku, waan arki karnaa dabagalkeeda iyo taariikhdii ay soo martay laakiin waa mid meesha ku jirta in aynu la socono in Koofiyadu leedahay xoogaa cilad jeex jeex yar ah. Wuu jiraa jajabkaas runtii mana aha sida koofiyadii hore ee hadda ka hor la iibiyey” ayey tiri Etienne de Baecque, oo ka socotay dhinaca xaraashaha koofiyadda xilli ay socotay munaasabad lagu sharfayey dagaaladii boqorka.

Waxaa kaloo goobta laga sheegay in koofiyadu ka mid aheyd 120 agab oo uu boqorku u adeegsan jirey dagaalada 15-kii sano ee uu xukunka boqornimada hayey, lamana hayo cadeyn buuxda oo dhigeysa in koofiyaddani tahay tii uu boqorku lahaa ayaa lagu yiri warbixinta xaraashka.

Waxa taa la mid ah oo dadka loo sheegay in “Walow ay jirto agab taariikhi ah oo la hayo isla markaasina soo jiidasho xiiso badan leh hadan aysan meesha ka marnayn shakiga ah in sheygii dhabta ahaa uu yahay iyo in kale” sidaa waxaa tiri De Baecque oo u warameysay Tvga France24.

Iibsigii Isniinta, ayaa la sheegay in uu ka qiimo hooseeyay koofiyad kale oo iyadu la soo bandhigay 4 sano ka hor laguna iibsaday maal dhan €1.9 milyan oo uu iibsaday maalqabeen ka soo jeeda boqortooyada reer Monaco ee dalka Koonfurta Kuuriya.

Si kastaba, waxaa loo jidbeysan yahay helista agabyadii boqorradii taariikhda soo maray kuwaas oo aad looga xiiseeyo wadamo badan oo caalamka ah.


<

Akhriste Halkani Hoose Ku Qor Fikradada (0)




DEG DEG: Oromada Oo hareeraysay 200 Qof Soomaali ah+Soomaalida Oo U Qaxeysa dhanka saldhigyada milleteriga Itoobiya
- Jul 22, 2018
Afrikada, Muqdisho:  200 oo qof oo Soomaali ah ayaa ku xayiran degaanka Guji oo ...
AKHRISO: Askari Ka Tirsan Dowladda Federaalka Oo Nin shacab ah U dilay Wax ka yar “HAL DOOLAR”
- Jul 22, 2018
Afrikada, Muqdisho:   Nin hubeysan oo ku labisnaa dharka ciidamada dowladda ayaa dil ka geystay ...
Taliyaha Booliska Soomaaliya iyo Wakiilka UN-ka Oo gaaray Gaalkacyo SAWIRRO
- Jul 22, 2018
Afrikada, Muqdisho:    Taliyaha Ciidanka Booliska Soomaaliyeed Jeneraal Bashiir Cabdi Maxamed (Ameeriko) oo uu ...
DEG DEG: Wariyeyaasha oo looga yeeray Xarunta Taliska Ciidamada…
- Jul 22, 2018
Afrikada, Garoowe:    Wararka anu ka heleyno Magaalada Garoowe ee Xarunta Maamulka Puntland ayaa ...
DAAWO: Qiso Naxdin iyo Murugo leh: Mayd Nin Nool Dilay Sheeko Cibro Qaadasho leh
- Jul 22, 2018
QISO: Dhacdadani waxay ka dhacday degaanka Janaale ee Soomaaliya, nin wargaleen ah oo dhawr ...
%d bloggers like this: