Iska hor imaad ka dhacay Yugaandha Oo 55 Qof Oo lagu diley | Afrikada

Iska hor imaad ka dhacay Yugaandha Oo 55 Qof Oo lagu diley

Afrikada, Kampala: Tiro dad ah ayaa lagu dilay dagaal kulul oo u dhexeeya ciidammada Yugaandha iyo maleeshiyo beeleed deganayd degmo u dhow xuduudka Uganda ay la wadaagto wadanka Koongo.

Saraakiisha ayaa ku soo waramaya in maalintii Axadda ciidamadeeda amnigu ay fooda is dareen rag hubeysan oo difaacayey boqor dhaqameed lagu eedeeyay in uu hogaaminayay koox mucaarad ah.

Ugu yaraan 55 ruux oo ay ku jiraan 41 mucaaradka ah iyo 14 saraakisha booliska ayaa lagu dilay dirirtaasi oo ka dhacday gobolka Rwenzori ee djanka Uganda.

Sida uu ku waramay afhayeenka boolisku, Felix Kaweesi booliska waxaa ka dhaawacmay 4 sarkaal halka 4 kale oo millteriga ahina dhaawacan yihiin.

Dilalka soo kordhay ayaa ah kuwo ciidammada Yugaandha ay ku sifeynayaan mucaarad la aaminsan yahay in ay daacad u yihiin kaabo qabiil lagu magacaabo Charles Wesley Mumbere, kaasi oo ku kacsan madaxweynaha mudada dheer haya talada dalkaasi Yugaandha.

Rasaas ayaa mar qur ah ka shanqartay afaafka hore ee qasriga boqorka kadib markii Axadii ay ciidammada dowladdu isku dayeen in ay hubka ka dhigaan ilaalada boqor Mumbere isla markaana soo xiraan boqorka.

READ MORE:  DAAWO Wararkii Ugu dambeeyay ee Soomaaliya Iyo Caalamka 21/11/18

Ciidammada Yugaandha waa ay jebiyeen ilaaladii iyagoo gudaha u galay soona qabtay boqor Mumbere una soo gudbiyey taliska sare ee booliska.

Capt. Arthur Timbaganya, oo ah afhayeen u hadlay ciidammada Yugaandha sheegay ee degaanka ayaa yiri: “Mumbere lama xirin ee naftiisa ayaa laga badbaadinayey dhibaatada meesha ka socotay.

Hase yeeshee dilka 4 sarkaal oo booliska ka tirsan ayaa u gogolxaartay in laamaha amnigu qaadaan tillaabooyin ay hub ka dhigis balastan ku sameynayaan ilaalada hubeysan ee kaabo qabiil Mumbere ee dhammaan gobolka sida uu ku warbixiyey afhayeenka ciidammada Col. Shaban Bantariza.

Kaabo qabiil Mumbere ayaa isagu boqor u ah dadka Bakoza waxaana qaar ka mid ah taageerayaashiisuna
ay ugu baaqeen in uu ku dhawaaqo in ay ka go’ayaan dalka Yugaandha intiisa kale.

Marka loo eego afhayeenka ciidammada Col. Babtariza, waxa uu tilmaamay in uu soo daabacday lacago u gaar ah oo kooxda gooni u goosadku leeyihiin, iyaga oo rajeynayay in ay Yugaandha kaga dhawaaqaan jamhuuriyad la yiraahdo ‘Yiira’

READ MORE:  DAAWO: 3 Qof Oo lagu dilay Iska hor imaad ka Dhacay Zimbabwe Iyo ku Shubasho Codadkii Doorashada

Balse Mumbere waa uu beeniyay dhammaan eedeeymahaasi.

Degaannada galbeedka dalkaasi ee Kasese ayaa muddo mucaarad ku ahaa madaxweynaha Yugaandha Yuweri Mozeveni waxaana doorashooyinkii ugu dambeeyay ay u diideen in ay cod siiyaan dowladda uu hogaamiyo m/weyne Moseveni.

Afhayeen Bantariza ayaa mucaaradka ku eedeeyay in ay dusha uga baxaan buuraleyda Rwenzori halkaasi oo ay ku sameysteen kaamam milleteri oo ay sheegeen in lagu amray in ay ka sii ambaqaadaan howsha dowlad yar, ka hagaan canshuuraadka dadka ay u taliyaan.

Mucaaradka ayaa ku hubeysan qoryo casri ah iyo aaladaha wax lagu qarxiyo, sida afhayeenka ciidammadu sheegay.

“Waxa ay gacanta ku dhigeen dhammaan nolosha rayidka ee degaannada ay heystaan,” ayaa uu yiri. “Waana garaaceynaa kuwa raba in ay dhulkeenna dhibaatadan oo kale ka bilaabaan”

Museveni, awoodda dalkaasi heysta tan iyo sanadkii 1986-kii waxaana uu u halgamay dhowr jeer sidii uu ugu guuleeysan lahaa taageerada qowmiyadda Bakonzo-ha xilliyada doorashooyinka.

Balse dhibaatooyin ayaa dhashay marar badan oo la isku dayey in labo loo kal qeybiyo kooxaha loovu yeero Kasesa.

READ MORE:  BLOOMBERG: Muhaajiriinta Afrikaanka Waa kuwa ugu Dadaalka Badan Ameerika?

Ilaa sanadii 1990-kii ayaa degaankani waxa uu ahaa mid fowdo ay ka dhacdo iyadoo ay ka howlgali jireen kooxda Allied Democratic Forces, oo fadhigooda u rartay gudaha wadanka Koongo, kadib markii xoog looga saaray dalka Yugaandha.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->