Hooyada Dhashay Hogaamiyaha Boko Xaram Oo la wareystay “Canugeyga Waan Jeclahay, yaan layga dilin” | Afrikada

Hooyada Dhashay Hogaamiyaha Boko Xaram Oo la wareystay “Canugeyga Waan Jeclahay, yaan layga dilin”

Afrikada, Lagos: Waxaa hadashay hooyada dhashay nin maanta ah hoggaamiyaha kooxda Boko Xaraam Abubakar Shekau, waxaa hooyadu ay ka hadashay musiibooyinka uu wiilkeedu gaysanayo wiilkeeda inta uu yahay hogaamiyaha kooxda Boko Xaaraam oo iyagu ah urur argagixiso oo ka dagaalama wadankaasi Nigeria.

Waxa ay sheegtay in wiilkeeda uu hareer maray dhaqankii ay iyadu ku soo barbaarisay waxaana ay Abubarkar hooyadiis oo lagu magacaabo Falmata Abuubakar wareysi siisay ku hadasha codka Mareykanka ee VOA-da.

Mama Falmata ayaa sheegtay in aysan 15 sano ah aysan indho saarin wiilkeeda, waxayna intaas ku dartay “Waxaan rajaynayaa in uu Alle soo hanuuniyo”.

Mar la weydiiyay su’aal ah in ay wiilkeeda jeceshahay iyo in kale ayaa ay ku jawaabtay “Haa waa wiilkayga, hooyo kastana wiilkeeda waa jeceshahay, balse waxaan leenahay dabeecado kala duwan, runtii dhibaatooyin badan ayuu horseeday” ayay intaas ku dartay.

“Ma ahan dhaqankii iyo tarbiyaddii aan aniga baray, ma garanayo waxa ay yihiin waxa uu samaynayo, Alle ha soo hanuuniyo ” ayey tiri.

READ MORE:  DHAGEYSO: Wasiir JUXA oo si xun u cambaareeyay Dowladda Federaalka

Sidoo kale Mama Falmata ayaa la weydiiyay in ay ka warqabto in uu nool yahay iyo in kale waxa ayna sheegtay in aysan ka warhaynin in uu noolyahay iyo in kale.

Si kastaba, Kooxda Boko Xaraam oo micnaheedu yahay ‘Waxbarashada reer Galbeedka waa xaaraam’ ayaa weeraro ka bilowday dalka Nigeria sanadkii 2009-kii, Kooxda Boko Xaaraam ayaa sidoo kale sheegtay in khilaafo Islaami ah ay ka samaynayso Waqooyiga Afrika.

Illaa 20 kun qof ayaa ku dhimatay rabshadahan kooxdu waddo weli, waxaana ku barakacay ilaa 2 milyan rayid ah sida la sheegay.

Sanadkii 2015-kii ayay ku dhawaaqeen in ay ku biireen kooxda Daacish, balse 2016-kii ayay kala go’een kadib markii Daacish ay sheegtay in la badalay Abubakar, laguna badalay nin kale oo lagu magacaabo Abu Musab Al-Barnawi. Wakaaladda wararka Ingiriiska laga leeyahay ee BBC-da ayaa ku warbixisay in Muslimiinta Nayjeeriya ay haystaan aqlabiyadda wadankaasi kala bar marka loo eego sanadkii 2007-dii.

Warbaahinta Afrikada kala soo Xiriir Email-ka afrikada.com@gmail.com


<

Akhriste Halkani Hoose Ku Qor Fikradada (0)




Liiska Xildhibaanada cusub ee Baarlamaanka Puntland oo lagu dhawaaqay DOKUMENT
- Dec 31, 2018
Afrikada, Puntland: Xallinta khilaafaadka iyo ansixinta Baarlamanka ee Puntland ayaa goor dhow ku dhawaaqay 66-da ...
Dad badan oo ka tacsiyeeyay Geeridii ku timid Al-Fanaan Kooshin Yare
- Dec 31, 2018
Waxaa magaalada Toronto ee dalka Canada ku geeriyooday Marxuum Maxamuud Maxamed Koohsin (Kooshin Yare). ...
WARBIXINTA SANADKA 2018: Soomaalidu Wax Weyn ayey ku weysay ka hor imaatinka SHAREECADA ISLAAMKA, Tanina wey Ogtahay Laakiin Waxbaa ka hortaagan?!!!
- Dec 30, 2018
Afrikada, Muqdisho: Waa la wareersaday, waana laga sii darayaa marba marka ka dambeysa, lama kala ...
Mahad Salaad Oo digniin ka bixiyey in baarlamanka Soomaaliya la horkeeno sharci ka dhan ah diinta Islaamka
- Dec 28, 2018
Afrikada, Muqdisho: Xildhibaan Mahad Salaad ayaa digniin ka bixiyey in baarlamanka Soomaaliya la horkeeno ...
DAAWO: Xaruntii Sheekh C/Weli Oo Dib boorka laga jafay iyo Qoob ka Cayaar ka daran Kii hore?
- Dec 28, 2018
Afrikada, Gaalkacyo: Waxaa mar kale dib boorka looga jafay xaruntii uu ka geeriyooday marxuum ...
%d bloggers like this:
!-- Google Tag Manager (noscript) -->